ჩემი უბანი დაცულია ბუნებრივი კატასტროფებისგან

ფოტოკონკურსის წესები

პროგრამა და ორგანიზატორები

ევროკომისიის მიერ დაფინანსებული პროგრამის ” სამხრეთ კავკასიაში თემების მდგრადობის მხარდაჭერა” ფარგლებში Oxfam და მისი ადგილობრივი  პარტნიორები BSEA, RCDA, STC, BOH, FAVL საქართველოს ფოტოგრაფთა ასოციაციისა და სომხეთის ფოტოგრაფთა ნაციონალური ასოციაციის მხარდაჭერით  გიწვევთ მონაწილეობის მისაღებად ფოტოკონკურსში თემაზე ”ჩემი უბანი დაცულია ბუნებრივი კატასტროფებისგან”.

”სამხრეთ კავკასიაში თემების მდგრადობის მხარდაჭერა” არის რეგიონალური პროგრამა, რომელსაც ახორციელებენ ოქსფამი და მისი პარტნიორები საქართველოსა და სომხეთში. პროგრამის მიზანია, დაიცვას ხალხი და მათი ყოფა-ცხოვრება ბუნებრივი კატასტროფებისგან. პროგრამის ფარგლებში ოქსფამი და მისი პარტნიორები მუშაობენ აჭარის, ტავუშისა და ვაიატძორის რეგიონების 35 თემში, რათა მოამზადონ ადგილობრივი მოსახლეობა და ხელისუფლება, როგორ იმოქმედონ მათ ბუნებრივი კატასტროფების დაწყებამდე, განმავლობაში და შემდგომ.  ეს სამუშაოები  მოიცავს მოხალისეებისთვის ტრენინგებს შემდეგ თემებზე: პირველადი დახმარება, დაზარალებულების გადარჩენა, მოსახლეობისა და სკოლის გადაუდებელ წვრთნები, კონსტრუქციების აგება, როგორიცაა სადრენაჟო არხები და წყლის რეზერვუარები ბუნებრივი კატასტროფების შედეგების შესამსუბუქებლად, ახალგაზრდული კლუბების შექმნა მაცხოვრებელთა პრობლემების გადასაჭრელად, როგორიცაა  ნარჩენებისა და წყლის რესურსების მართვა, ახალი ტექნოლოგიების გაცნობა (როგორიცაა მზის ენერგიაზე მომუშავე წყლის გამაცხელებელი, მზის ენერგიაზე მომუშავე წყლის დისტილატორი, მზის საშრობები ხილ-ბოსტნეულისთვის, ბიომასის შრობის დისტილაციის დანადგარი, ეკონომიური წვის ღუმელები), ოჯახებთან მუშაობა და ოჯახების უსაფრთხოების მიზნით სასწრაფო დახმარების გეგმის შემუშავება.

აღნიშნული ღონისძიებები, რომლებიც მოსახლეობის დაუცველობისა  და კლიმატის ცვლილებების შედეგად სტიქიური უბედურების ზემოქმედებისა შემცირებისკენაა მიმართული, მოიცავს სხვადასხვა საზოგადოებრივ ჯგუფებს და ინდივიდებს: ქალებსა და მამაკაცებს, ბავშვებს, ახალგაზრდებს და მოხუცებს, ხელისუფლებებს, მოხალისეებს და შშმ პირებს.

      კონკურსის თემა

კონკურსის თემა არის ”ჩემი უბანი დაცულია  ბუნებრივი კატასტროფებისგან”. დასაშვებია თემის ინდივიდუალური ინტერპრეტაცია, მაგრამ საკონკურსო ნამუშევრები უნდა ასახავდეს მოსახლეობის  მზადყოფნას ბუნებრივი კატასტროფებისა და კლიმატის ცვლილებებით გამოწვეული შედეგების მიმართ. კონკურსანტი არაა შეზღუდული გადაღების არეალით. მას შეუძლია წარმოადგინოს საქართველოსა და სომხეთში ბუნებრივი კატასტროფებისგან დაცვის თემის შესაბამისი და ამსახველი ფოტონამუშევრები. 

მონაწილეობის პირობები

1. საქართველოსა და სომხეთში მცხოვრებ პირებს;

2. 16 წლამდე ასაკის მონაწილეების შემთხვევაში საჭიროა მშობლების/მეურვის თანხმობა;

3. კონკურსში მონაწილეობით აპლიკანტები ეთანხმებიან კონკურსის პირობებს. ოქსფამი უფლებამოსილია, წესების დარღვევის შემთხვევაში, კონკურსანტი მოხსნას კონკურსიდან ნებისმიერ ეტაპზე. 

4. კონკურსში მონაწილეობის მიღება შეუძლიათ როგორც მოყვარულ, ისე პროფესიონალ ფოტოგრაფებს. 

5. კონკურსანტმა ემაილზე უნდა გამოაგზავნოს შევსებული სააპლიკაციო განაცხადი სახელის, გვარის, მისამართის, ფაქტობრივი საცხოვრებელი ადგილის და ტელეფონის მითითებით ჩამოტვირთეთ სააპლიკაციო განაცხადი 

6. საკონკურსო გალერეაში ფოტოს აღწერის ველში კონკურსანტმა უნდა მიუთითოს ფოტოს დასახელება, გადაღების ადგილი და თარიღი. 

7. თუკი გამარჯვებული კონკურსანტი არ დაუკავშირდება ოქსფამის წარმოამდგენლობას ან რაიმე მიზეზით უარს იტყვის პრიზის მიღებაზე, ოქსფამი უფლებამოსილია, პრიზი გადასცეს შედეგებით მომდევნო საუკთესო მონაწილეს.

საკონკურსო ფოტოების წარდგენის პროცედურა

1. კონკურსანტი შევსებულ სააპლიკაციო ფორმას აგზავნის ემაილზე apggeorgia@gmail.com. ნამუშევრების წარდგენის ბოლო ვადაა 2015 წლის 31 ივლისი, 20:00

2. წერილის სათაურში უნდა მიეთითოს დასახელება: Oxfam contest

3. საკონკურსო გალერეის ადმინისტრატორი ამოწმებს აპლიკაციის ფორმას და კონკურსანტს ანიჭებს უფლებას, ატვირთოს საკონკურსო ფოტოები სპეციალურ საკონკურსო გალერეაში Oxfam contest პორტალზე www.photographers.ge. 

4. კონკურსანტი ატვირთვის ნებართვის დადასტურებას მიიღებს ემაილზე. 

5. მონაწილეს შეუძლია მაქსიმუმ 5 ფოტოს ატვირთვა საკონკურსო გალერეაში.  ფოტოს ატვირთვისას კონკურსანტმა ფოტოს აღწერის ველში უნდა მიუთითოს ფოტოს გადაღების ადგილი და თარიღი. ასევე დაიცვას ფოტოს ატვირთვის რეგლამენტი (საკონკურსო გალერეაში მითითებული პარამეტრები). 

6. კონკურსანტი ვალდებულია გააჩნდეს ამ ფოტოს ორიგინალი. 

7. კონკურსანტი ვალდებულია, ადმინისტრატორის მოთხოვნის შემთხვევაში დაუყოვნებლივ წარმოადგინოს ფოტოს დედანი ფაილი. 

8. დამუშავება ციფრული რედაქტორების საშუალებით შესაძლებელია, მაგრამ აკრძალულია ფოტომონტაჟი. 

9. ფოტო გადაღებული უნდა იყოს არანაკლებ 4-მეგაპიქსელიანი ფოტოკამერით. 

10. ფოტოები არ უნდა შეიცავდეს სარეკლამო, ტექსტურ წარწერებს ან გრაფიკულ ელემენტებს, რაც არ წარმოადგენს კომპოზიციის ორიგინალურ ნაწილს. ტექსტის შემცველი ფოტოები მომენტალურად დისკვალიფიცირდება.

საავტორო ნებართვები და უფლებები

1. მონაწილეობის მსურველი ფოტოგრაფი ვალდებულია, წარმოადგინოს საკუთარი ორიგინალური ნამუშევარი და არ უნდა არღვევდეს სხვა პირის უფლებებს. ფლობდეს საკუთარ ნამუშევრებთან დაკავშირებულ საავტორო უფლებებს; ან საავტორო უფლების მფლობელისგან უნდა ჰქონდეს უფლება, ჩართოს თავისი ფოტოები კონკურსში; 

2. სავალდებულოა მოდელის წერილობითი ნებართვა და ფოტოსთან დაკავშირებული ყველა საჭირო ნებართვა. ხოლო 16 წლამდე პირის ფოტოზე გამოსახვის შემთხვევაში - მშობლის ნებართვა. 

3. კონკურსში მონაწილეობაზე თანხმობით კონკურსანტები ოქსფამს  აძლევენ უფლებას, დაბეჭდოს და გამოფინოს მათი ნამუშევრები ოქსფამის ვებ და საკონკურსო გვერდებზე, კონკურსანტები, რომელთა ფოტოები არის გამარჯვებულთა შორის, ან არიან ფინალისტები, ოქსფამს აძლევენ უფლებას, დაბეჭდოს და გამოფინოს მათი ფოტოები როგორც ბეჭდურ საშუალებებში, ასევე შესაბამის ვებგვერდებზე და სხვა მედიასაშუალებებში არაკომერციული მიზნით, ყოველგვარი ანაზღაურების გარეშე. მონაწილეები, რომელთა ფოტოებიც არის ფინალისტებს შორის, ასევე თანახმანი არიან, მათი ფოტოები ჩართულ იქნას კონკურსის შემდგომ პუბლიკაციებში. 

პრიზები

გამარჯვებულებს გადაეცემათ შემდეგი სახის პრიზები:

პირველი ადგილი -   300 ევროს ღირებულების სასაჩუქრე ბარათი (ვაუჩერი) შესაბამის ფოტომაღაზიაში საქართველოში ან სომხეთში (გამარჯვებული კონკურსანტის საცხოვრებელი ქვეყნის შესაბამისი ნაციონალური ვალუტის ეკვივალენტი)

მეორე ადგილი - 200 ევროს ღირებულების სასაჩუქრე ბარათი (ვაუჩერი) შესაბამის ფოტომაღაზიაში საქართველოში ან სომხეთში (გამარჯვებული კონკურსანტის საცხოვრებელი ქვეყნის შესაბამისი ნაციონალური ვალუტის ეკვივალენტი)

მესამე ადგილი - 100 ევროს ღირებულების სასაჩუქრე ბარათი (ვაუჩერი) შესაბამის ფოტომაღაზიაში საქართველოში ან სომხეთში (გამარჯვებული კონკურსანტის საცხოვრებელი ქვეყნის შესაბამისი ნაციონალური ვალუტის ეკვივალენტი)

მონაწილეობის სერტიფიკატი თითოეულ ფინალისტ ფოტოგრაფს (12 საუკეთესო ფოტო)

პრიზების ფულადი თანხით ჩანაცვლება, გაყიდვა ან სხვა პირზე გადაცემა არ დაიშვება. სასაჩუქრე ბარათები (ვაუჩერები) წინასწარ იქნება ანაზღაურებული და გადაეცემათ გამარჯვებულებს ან  სომხურ დრამში ან ქართულ ლარში გამარჯვებულის საცხოვრებელი ქვეყნის შესაბამისად. Oxfam დაფარავს პრიზების გადასახადებს. 

შეფასების პროცესი:

ფოტონამუშევრები შეფასდება ჟიურის მიერ. ჟიური, რომელიც დაკომპლექტებულია სომხეთისა და საქართველოს წარმომადგენლებით, შეარჩევს 12 ფინალისტს, რომლებიცჟიურის აზრით საუკეთესოდ წარმოაჩენს კონკურსის თემას.  ჟიური ნამუშევრებს განიხილავს სხვადასხვა ფაქტორების გათვალისწინებით, კერძოდ, კონკურსის თემა, ტექნიკური მახასიათებლები, კომპოზიცია და ორიგინალურობა. 

კონკურსის მეორე ეტაპზე 12 ფინალისტიდან შეირჩევა სამი გამარჯვებული, მათ გადაეცემათ პრიზები და მათი გვარები გამოქვეყნდება სექციაში ”ჯილდოები”

ოქსფამი უფლებამოსილია გააუქმოს კონკურსი ან ჩაანაცვლოს წესები ნებისმიერ ეტაპზე მისი შეხედულებით აუცილებლობის შემთხვევაში და აგრეთვე მისი კონტროლიდან გასული გარემოებების გამო. 

ტექნიკური პრობლემებისა და რაიმე სახის უთანხმოების შემთვევაში ორგანიზატორები და ჟიურის წევრები მიიღებენ საბოლოო გადაწყვეტილებას. ჟიურის გადაწყვეტილება საბოლოოა და არ ექვემდებარება შეცვლას, თუკი ამას არ მოითხოვს აუცილებლობა,