2019 წლის 6 სექტემბერს ბაქოში, ეკოპარკში საზეიმოდ გაიხსნა მე-3 საერთაშორისო ფოტოსალონში GEORGIAN DRAG 2019 დაჯილდოვებული ფოტოების გამოფენა და ასევე გაიმართა დაჯილდოვების ცერემონია, სადაც ოქროს, ვერცხლის და ბრინჯაოს მედლები გადაეცათ ქართველ და აზერბაიჯანელ მონაწილეებს. გამოფენაზე წარმოდგენილი იყო სალონის 40-მდე საუკეთესო და დაჯილდოვებული ფოტონამუშევარი.
მე-3 საერთაშორისო ფოტოსალონი GEORGIAN DRAG 2019 საქართველოს ფოტოგრაფთა ასოციაციის ორგანიზებით და FIAP-ის, GPU-ს, აზერბაიჯანის ფოტოგრაფთა გაერთიანების და Photolife Club-ის პატრონაჟით გაიმართა. მასში წარმოდგენილი იყო 52 ქვეყნიდან 327 მონაწილის 4733 ფოტონამუშევარი. გაიცა 156 ჯილდო.
ფოტოგამოფენისა და დაჯილდოვების ცერემონია ბაქოში აზერბაიჯანის ფოტოგრაფთა გაერთიანების, ეკოპარკისა და კომპანია ”სოკარის” მხარდაჭერით გაიმართა.
მიღების შემდეგ საქართველოს ფოტოგრაფთა ასოციაციისა და სალონის მონაწილეთა სახელით სტუმრებმა ეკოპარკში ხეები დარგეს.
აღნიშნული გამოფენა ასევე საზეიმოდ გაიხსნება ნიკოსიაში, კვიპროსში 2019 წლის 3 ოქტომბერს.
| მიმდინარე წლის 6 სექტემბერს საქართველოს ფოტოგრაფთა ასოციაციისა და აზერბაიჯანის ფოტოგრაფთა გაერთიანების ორგანიზებით ბაქოში გაიმართება საერთაშორისო ფოტოგრაფიის დღეები, რომლის ფარგლებშიც, ღონისძიების მასპინძელ საზოგადოებრივ ოეგანიზაცია ეკოპარკში საზიმოდ გაიხსნება 2 ფოტოგამოფენა - გამოიფინება საერთაშორისო ფოტოკონკურსი Georgian Drag 2019-ის გამარჯვებული ფოტონამუშევრები და სფა-ს 26 წევრი ფოტოგრაფის ფოტოები. ამავდროულად გაიმართება ზემოაღნიშნული საერთაშორისო კონკურსის გამარჯვებულების დაჯილდოვების ცერემონია. |
