მიმდინარე წლის 3 ივლისს გალერეა "ფაბრიკაში" სფა-ს წევრის ნატა ზვიადაძის არტ-პროექტის "ჩერნობილის" გამოფენა გაიმართება, რომელიც 5 ივლისის ჩათვლით გასტანს.
გამოფენა «#CHERNOBYL» ეძღვნება ჩერნობილის ტრაგედიის 33 წლის იუბილეს. მასალა გადაღებულია ხუთდღიანი ექსპედიციის ფარგლებში "ჩერნობილის განდგომილების ზონაში" , 2019 წლის თებერვალში. წარმოდგენილი მხატვრული სერია უკვე იყო გამოფენილი ქალაქ კიევში 2019 წლის 26 აპრილს და ოქროს მედალი დაიმსახურა საერთაშორისო კონკურსში ,, ბავშვთა პლანეტა“.
ავტორი, ნატა ზვიადაძე EFIAP - უკრაინის ფოტოგრაფთა კავშირისა და საქართველოს ფოტოგრაფთა ასოციაციის სამხატვრო საბჭოს წევრი.
ძირითადი მიმართულებები ფოტოგრაფიაში - არტი (ART) , ,, სინათლის ფუნჯი“, სტრიტი და ყვავილების ნატურმორტი.
ნატა ზვიადაძისთვის ფოტოგრაფიისადმი გატაცება ეტაპობრივად გადაიზარდა ჰობიდან მისი ცხოვრების ყოველდღიურ წესამდე. გამონათქვამი კი - ,, ყველაფერი, რაც არ მოხვედრილა ჩემი კამერის ობიექტივში - არ არსებობს!„ მისი ცხოვრების კრედოდ იქცა. მისი ფოტოები, გასცდა უბრალოდ დაჭერილი კადრის ჩარჩოებს და ბევრი მათგანი, მხატვრული თვალსაზრისით , უფრო მეტად ნახატებსა და გრავირებას დაემსგავსა. მისი შემოქმედების ძირითად კრიტერიუმად კი ემოციებისა და გრძნობების ფოტოების საშუალებით გადმოცემა იქცა.
ნატა ზვიადაძე ორმოცდაათი საერთაშორისო ფოტო კონკურსის ლაურეატია. პარიზი, ტრიესტე (იტალია), კიევი, როვნო, ბაქო, თბილისი, ეს იმ ქალაქების არასრული ჩამონათვალია, სადაც მისი ფოტოები იყო გამოფენილი. გარდა ამისა, არაერთხელ იყო მიწვეული ჟიურის წევრად სხვადასხვა საერთაშორისო კონკურსზე.
წარდგენილი ნამუშევრებიდან ზოგიერთი გასაყიდად გამოტანილი იქნება. აღნიშნულ საკითხთან დაკავშირებულ ნებისმიერ კითხვაზე შეგიძლიათ მიმართოთ ავტორს გამოფენის პერიოდში 3-5 ივლისის ჩათვლით 19:00 დან 22:00 საათამდე ან მიწეროთ ელექტრონულ მისამართზე zviadadzenata@gmail.com
გამოფენაზე დასწრება უფასოა
მის. FABRIKA TBILISI x 8 EGNATE NINOSHVILI STR.
T. 202 03 99 x WWW.FABRIKATBILISI.COM
