30 ნოემბერს ბათუმში საქართველოს ფოტოგრაფთა ასოციაციამ აჭარის რეგიონული ფილიალის მეშვეობით ბათუმში ფოტომოყვარულებთან შეხვედრა გამართა. ფოტოკონკურსის ”ფოტომანი 2013” პრეზენტაცია, ასოციაციის უახლოესი სამომავლო გეგმების განხილვა აჭარის რეგიონთან მიმართებაში, ევროკავშირის პროექტის ”ყურადღება, გაიღიმეთ” (SAY CHEESE!) უახლოესი ღონისძიებების მიმოხილვა - ასეთი იყო შეხვედრის ძირითადი თემები. შეხვედრა პრაქტიკული მასტერკლასით დასრულდა. მასტერკლასზე ფოტომოყვარულები გაეცნენ სტუდიური პორტრეტის გადაღების თავისებურებებს.