მიმდინარე წლის 30 ნოემბერს ასოციაციის აჭარის რეგიონული ფილიალი ბათუმში ფოტომოყვარულებთან შეხვედრას გამართავს. ღონისძიება ბათუმის ნიკოლოზ კანდელაკის სამხატვრო სკოლაში 16 საათზე ჩატარდება (მისამართი: ბათუმი, ფიროსმანის ქ.#6). შეხვედრაზე დაგეგმილია ფოტოკონკურსის ”ფოტომანი 2013” პრეზენტაცია, ასოციაციის უახლოესი სამომავლო გეგმების განხილვა აჭარის რეგიონთან მიმართებაში, ევროკავშირის პროექტის ”ყურადღება, გაიღიმეთ” (SAY CHEESE!) უახლოესი ღონისძიებების მიმოხილვა და პრაქტიკული მასტერკლასის ჩატარება მონაწილეთათვის თემაზე - ”სტუდიური პორტრეტი”. ღონისძიება ღიაა ყველა მსურველისთვის. ასოციაცია მადლობას უხდის სამხატვრო სკოლის დირექციას მხარდაჭერისთვის.