2015 წლის 14-15 თებერვალს აზერბაიჯანის ქალაქ შეკიში საქართველოს ფოტოგრაფთა ასოციაციამ აზერბაიჯანის ფოტოგრაფთა გაერთიანების წარმომადგენლებისა და ადგილობრივი ფოტოგრაფებისთვის ქართული ფოტოგრაფიის პრეზენტაცია და მასტერკლასი გამართა.
ამავე შეხვედრაზე აზერბაიჯანის ფოტოგრაფთა გაერთიანების თავმჯდომარეს მირნაიბ ჰასანოღლუს და და თავმჯდომარის მოადგილეს რაუფ უმუდოვს გადაეცათ საქართველოს ფოტოგრაფთა ასოციაციის საპატიო წევრობის დამადასტურებელი სერტიფიკატები.
ამავე დღეებში გამართული ერთობლივი ფოტოტურის ფარგლებში აზერბაიჯანელმა და ქართველმა ფოტოგრაფებმა მოინახულეს შეკის ხანის სასახლე, სახელგანთქმული ადგილობრივი აბრეშუმის წარმოება - ხელნაკეთი ქალაღაიების (აბრეშუმის შარფები) ოსტატები; გაეცნენ ცნობილი შეკური ფაჰლავის დამზადების პროცესს და ადგილობრივი ხელსაქმის (ქარგვა, ბიჟუტერია, ხალხური საკრავები და აღმოსავლური ვიტრაჟები) სახელოსნოებსაც ეწვივნენ.
