იმისთვის, რომ ასოციაციის საქმიანობა უფრო ეფექტური, საინტერესო და შემოქმედებითი კუთხით მრავალფეროვანი გახდეს, სფა-ში შექმნილია სამხატვრო საბჭო, რომელიც კურირებას უწევს სხვადასხვა ფოტოპროექტს, კონკურსს, გამოფენას და ზოგადად ასოციაციის შემოქმედებით საქმიანობას. საბჭოს შემადგენლობაში შედიან ასოციაციის წევრები, რომლებსაც ფოტოგრაფიული კუთხით დიდი გამოცდილება, წარმატება და მიღწევები გააჩნიათ.
სფა-ს სამხატვრო საბჭო სრულიად უსასყიდლოდ, ენთუზიაზმის საწყისებზე მუშაობს იმისთვის, რომ დაიგეგმოს და განხორციელდეს საინტერესო პროექტები, ხელი შევუწყოთ სფა-ს წევრების შემოქმედებით ზრდას და მათი შემოქმედების უფრო მრავალფეროვანი აუდიტორიისთვის გაცნობას.
ამ ეტაპზე დაგეგმილია: ფოტოწიგნის გამოცემა, ფოტოპლენერი და ფოტოგამოფენა უკრაინაში. მიმდინარეობს მუშაობა მიმდინარე წლის სამომავლო გეგმებზეც.
