საქართველოს ფოტოგრაფთა ასოციაცია აცხადებს საკვალიფიკაციო კონკურსს პროფესიონალი ფოტოგრაფებისთვის MASTER of APG (M-APG) საკვალიფიკაციო სერტიფიკატის მოსაპოვებლად
MASTER OF APG საკვალიფიკაციო სერტიფიკატი აღიარებულია ევროპის ფოტოგრაფთა ფედერაციის (Federation of European Photographers - FEP) მიერ, რაც ნიშნავს, რომ MASTER OF APG სერტიფიკატის მფლობელი ფოტოგრაფები უკონკურსოდ და დამატებითი საფასურის გადახდის გარეშე მიიღებენ FEP-ის EP (European Photographer) საკვალიფიკაციო სერტიფიკატს.
EP სერტიფიკატის შესახებ ინფორმაცია იხილეთ ბმულზე:
რატომ ვაცხადებთ საკვალიფიკაციო კონკურსს?
ზოგადად, ფოტოგრაფიულ საზოგადოებაში კვალიფიკაციის მინიჭება მთელ მსოფლიოში დავის საგანია. ხშირად ისმის კითხვები: ”ფოტო სუბიექტური შეფასების საგანია” რა კრიტერიუმებით და როგორ უნდა შეფასდეს ფოტო” და ა.შ. ცხადია, შეფასების არც ერთი სისტემა სრულყოფილი არაა, მაგრამ ევროპისა და ზოგადად მსოფლიოს ფოტოგრაფთა გაერთიანებებში (ასოციაციები, ფოტოსაზოგადოებები, ფოტოგრაფთა ფედერაციები და ა.შ), ცდილობენ რა დაამკვიდრონ თავიანთ ქვეყნებში პროფესიონალიზმის მაღალი სტანდარტები, იწვევენ კვალიფიციურ ჟიურის, რათა აღიარებულ იქნეს ამა თუ იმ ფოტოგრაფის პროფესიულ სტანდარტებთან შესაბამისობა.
საქართველოს ფოტოგრაფთა ასოციაცია ამკვიდრებს მსოფლიოში მიღებულ პრაქტიკას და გამოცდილი და კომპეტენტური ჟიურის საშუალებით, საყოველთაოდ აღიარებული შეფასების კრიტერიუმების გამოყენებით აცხადებს საკვალიფიკაციო კონკურსს MASTER of APG (M_APG) სერტიფიკატის მისანიჭებლად.
საკვალიფიკაციო კონკურსის მიზანია, აღიაროს და ცნოს იმ ფოტოგრაფთა კომპეტენტურობა და პროფესიული სტანდარტი, რომლებიც შემოსავლებს ფოტოგრაფობით გამოიმუშავებენ.
ვინ დაიშვება კონკურსში
M-APG საკვალიფიკაციო კონკურსში მონაწილეობის უფლება აქვს აპლიკანტს, რომელიც:
- ეწევა პროფესიონალურ ფოტოგრაფიულ საქმიანობას მინიმუმ ბოლო ერთი წლის განმავლობაში;
- არის სფა-ს პროფესიონალ ფოტოგრაფთა სექციის წევრი;
- გააჩნია Photographer of APG სერტიფიკატი ანდა ფლობს FIAP -ის რომელიმე სპეციალურ წოდებას;
- არის თვითდასაქმებული ან დაქირავებული ფოტოგრაფი.
საკონკურსო განაცხადის წარდგენა:
აპლიკანტს შეუძლია წარადგინოს მხოლოდ საკუთარი ნამუშევრები 15 ფოტოს ოდენობით ემაილზე masterofapg@gmail.com.
ემაილის სათაურში (subject) მითითებული უნდა იყოს Master of APG
ემაილის ტექსტში მითითებული უნდა იყოს აპლიკანტის სახელი, გვარი
მიბმული ფაილი უნდა შეიცავდეს აპლიკანტის პროფესიულ რეზუმეს
წარმოდგენილი ფოტონამუშევრები უნდა აკმაყოფილებდეს შემდეგ მოთხოვნებს:
• 2400 პიქსელი დიდი მხარე
• ფორმატი: jpeg 10
• მიბმული პროფილი sRGB ან Adobe 1998
ფოტოები არ უნდა შეიცავდეს სარეკლამო, ტექსტურ წარწერებს ან გრაფიკულ ელემენტებს, რაც არ წარმოადგენს კომპოზიციის ორიგინალურ ნაწილს. ტექსტის შემცველი ფოტოები მომენტალურად დისკვალიფიცირდება.
მონაწილეობის მსურველი ფოტოგრაფი ვალდებულია, წარმოადგინოს საკუთარი ორიგინალური ნამუშევარი და ფლობდეს საკუთარ ნამუშევრებთან დაკავშირებულ საავტორო უფლებებს; ან საავტორო უფლების მფლობელისგან უნდა ჰქონდეს უფლება, ჩართოს თავისი ფოტოები კონკურსში;
კატეგორიები
აპლიკანტს შეუძლია ატვირთოს 15 ფოტო შემდეგ ჟანრებში:
- პორტრეტი
- ქორწილი
- პეიზაჟი
- ბავშვები
- კომერციული ფოტოგრაფია
- მაკრო
- ნატურმორტი
- არქიტექტურა
- ჟანრული ფოტოგრაფია
- რეპორტაჟი
- მაკრო
- ნიუ
- სპორტი
- გლამური
წარმატებული აპლიკანტები მიიღებენ დაბეჭდილ სერტიფიკატს (ინგლისურ ენაზე).
კონკურსში მონაწილეობის საფასური
შეადგენს 60 ევროს ეკვივალენტს გადახდის დღეს არსებული ეროვნული ბანკის კურსით.
აპლიკანტს შეუძლია საფასური გადაიხადოს ასოციაციის საბანკო ანგარიშზე გადარიცხვით/შეტანით (მიმღები: საქართველოს ფოტოგრაფთა ასოციაცია, ს/კ: 205266317, TBC ბანკი, ბანკის კოდი - TBCBGE22, ანგარიშსწორების ანგარიში: GE75TB3726636020100007 /GEL)
გადახდილი თანხა უკან არ ბრუნდება. კონკურსანტს, რომელიც ვერ მიიღებს MASTER OF APG სერტიფიკატს, უფლება აქვს, შემდეგი 6 თვის განმავლობაში საფასურის გადახდის გარეშემ განმეორებით მიიღოს მონაწილეობა კვალიფიკაციის მოსაპოვებლად.
ნამუშევრების შეფასება
ნამუშევრების ატვირთვა და შეფასება მიმდინარეობს ონლაინ. ნამუშევრებს აფასებს ადგილობრივი და საერთაშორისო წევრებისგან შემდგარი ჟიური. ისინი შეირჩევიან მათი ფოტოგარფიული ცოდნის, გამოცდილების, ჟიურიში მუშაობის გამოცდილების საფუძველზე. შეფასება ანონიმურია. საჯაროდ გამოცხადდება მხოლოდ წარმატებულ აპლიკანტთა შედეგები.
ნამუშევრები შეფასდება შემდეგი კრიტერიუმებით:
- გამომსახველობა
- კრეატიულობა
- ტექნიკური შესრულება
- კომპოზიცია
საავტორო უფლებები და ნებართვები (რელიზები)
ყველა წარდგენილ ფოტოზე საავტორო უფლება უნარჩუნდება ამ უფლების მფლობელს. თუმცა, სფა იტოვებს უფლებას, ნებისმიერი წარდგენილი ფოტო, ანაზღაურების გარეშე, გამოიყენოს ჩვენებისა და საჯარო მიზნებისთვის სფა-ს მიმდინარე და მომავალ დაჯილდოვებებსა და პროექტებში. ნამუშევრის წარდგენამდე, კანდიდატს სასურველია, ჰქონდეს კლიენტის ან საავტორო უფლების მფლობელის ნებართვა და მოდელის (არასრულწლოვანის შემთხვევაში მათი კანონიერი წარმომადგენლების) შესაბამისი ნებართვის ფორმა (რელიზი) საჭიროების შემთხვევაში. თუ ასეთი ნებართვა ავტორს არ გააჩნია, სფა არ გამოიყენებს წარმოდგენილ ნამუშევრებს ზემოაღნიშნული მიზნებისთვის და შემოიფარგლება მხოლოდ სერთიფიცირებისთვის საჭირო პროცედურით (ნამუშევრები წარედგინება ჟიურის თითოეულ წევრს ინდივიდუალურად).
გაითვალისწინეთ!
სფა არ გასცემს წარმოდგენილი ფოტოს განხილვის უფლებას, თუკი არ იქნება დაცული ქვემოთ ჩამოთვლილი პირობები:
* წარმოდგენილი ფოტოები არ შეესაბამება ამ წესებს;
* მონაწილეობის საფასური არაა გადახდილი;
გისურვებთ წარმატებებს!
