საქართველოს ფოტოგრაფთა ასოციაცია აცხადებს საკვალიფიკაციო კონკურსს ფოტოგრაფებისთვის PHOTOGRAPHER of APG (P-APG) საკვალიფიკაციო სერტიფიკატის მოსაპოვებლად
რატომ ვაცხადებთ საკვალიფიკაციო კონკურსს? 
ზოგადად, ფოტოგრაფიულ საზოგადოებაში კვალიფიკაციის მინიჭება მთელ მსოფლიოში დავის საგანია. ხშირად ისმის კითხვები: ”ფოტო სუბიექტური შეფასების საგანია” რა კრიტერიუმებით და როგორ უნდა შეფასდეს ფოტო” და ა.შ. ცხადია, შეფასების არც ერთი სისტემა სრულყოფილი არაა, მაგრამ ევროპისა და ზოგადად მსოფლიოს ფოტოგრაფთა გაერთიანებებში (ასოციაციები, ფოტოსაზოგადოებები, ფოტოგრაფთა ფედერაციები და ა.შ), ცდილობენ რა დაამკვიდრონ თავიანთ ქვეყნებში პროფესიონალიზმის მაღალი სტანდარტები, იწვევენ კვალიფიციურ ჟიურის, რათა აღიარებულ იქნეს ამა თუ იმ ფოტოგრაფის პროფესიულ სტანდარტებთან შესაბამისობა.
საქართველოს ფოტოგრაფთა ასოციაცია ამკვიდრებს მსოფლიოში მიღებულ პრაქტიკას და გამოცდილი და კომპეტენტური ჟიურის საშუალებით, საყოველთაოდ აღიარებული შეფასების კრიტერიუმების გამოყენებით აცხადებს საკვალიფიკაციო კონკურსს PHOTOGRAPHER OF APG სერტიფიკატის მისანიჭებლად.
საკვალიფიკაციო კონკურსის მიზანია, აღიაროს და ცნოს ფოტოგრაფთა და ფოტომოყვარულთა კომპეტენტურობა და მათი ნამუშევრების შესაბამისობა ფოტოგრაფიულ სტანდარტთან.
ვინ დაიშვება კონკურსში
P-APG საკვალიფიკაციო კონკურსში მონაწილეობის უფლება აქვს აპლიკანტს, რომელიც:
ეწევა სამოყვარულო და პროფესიონალურ ფოტოგრაფიულ საქმიანობას მინიმუმ ბოლო ერთი წლის განმავლობაში;
არის წარმოდგენილი ნამუშევრების ავტორი
საკონკურსო განაცხადის წარდგენა:
აპლიკანტს შეუძლია წარადგინოს მხოლოდ საკუთარი ნამუშევრები 15 ფოტოს ოდენობით ემაილზე masterofapg@gmail.com.
ემაილის სათაურში (subject) მითითებული უნდა იყოს Photographer of APG
ემაილის ტექსტში მითითებული უნდა იყოს აპლიკანტის სახელი, გვარი
მიბმული ფაილი უნდა შეიცავდეს აპლიკანტის რეზუმეს
წარმოდგენილი ფოტონამუშევრები უნდა აკმაყოფილებდეს შემდეგ მოთხოვნებს:
• 2400 პიქსელი დიდი მხარე
• ფორმატი: jpeg 10
• მიბმული პროფილი sRGB ან Adobe 1998
ფოტოები არ უნდა შეიცავდეს სარეკლამო, ტექსტურ წარწერებს ან გრაფიკულ ელემენტებს, რაც არ წარმოადგენს კომპოზიციის ორიგინალურ ნაწილს. ტექსტის შემცველი ფოტოები მომენტალურად დისკვალიფიცირდება.
მონაწილეობის მსურველი ფოტოგრაფი ვალდებულია, წარმოადგინოს საკუთარი ორიგინალური ნამუშევარი და ფლობდეს საკუთარ ნამუშევრებთან დაკავშირებულ საავტორო უფლებებს; ან საავტორო უფლების მფლობელისგან უნდა ჰქონდეს უფლება, ჩართოს თავისი ფოტოები კონკურსში;
კატეგორიები
აპლიკანტს შეუძლია ატვირთოს 15 ფოტო შემდეგ ჟანრებში:
- პორტრეტი
- ქორწილი
- პეიზაჟი
- ბავშვები
- კომერციული ფოტოგრაფია
- მაკრო
- ნატურმორტი
- არქიტექტურა
- ჟანრული ფოტოგრაფია
- რეპორტაჟი
- მაკრო
- ნიუ
- სპორტი
- გლამური
წარმატებული აპლიკანტები მიიღებენ დაბეჭდილ სერტიფიკატს (ინგლისურ ენაზე).
კონკურსში მონაწილეობის საფასური
შეადგენს 30 ევროს ეკვივალენტს გადახდის დღეს არსებული ეროვნული ბანკის კურსით.
აპლიკანტს შეუძლია საფასური გადაიხადოს ასოციაციის საბანკო ანგარიშზე გადარიცხვით/შეტანით (მიმღები: საქართველოს ფოტოგრაფთა ასოციაცია, ს/კ: 205266317, TBC ბანკი, ბანკის კოდი - TBCBGE22, ანგარიშსწორების ანგარიში: GE75TB3726636020100007 /GEL
.
გადახდილი თანხა უკან არ ბრუნდება. კონკურსანტს, რომელიც ვერ მიიღებს PHOTOGRAPHER OF APG სერტიფიკატს, უფლება აქვს, შემდეგი 6 თვის განმავლობაში საფასურის გადახდის გარეშემ განმეორებით მიიღოს მონაწილეობა კვალიფიკაციის მოსაპოვებლად.
ნამუშევრების შეფასება
ნამუშევრების ატვირთვა და შეფასება მიმდინარეობს ონლაინ და მთელი წლის განმავლობაში ღიაა. შედეგები ცხადდება წელიწადში ორჯერ: ივნისსა და დეკემბერში. ნამუშევრებს შეაფასებს ადგილობრივი და საერთაშორისო წევრებისგან შემდგარი ჟიური. ისინი შეირჩევიან მათი ფოტოგარფიული ცოდნის, გამოცდილების, ჟიურიში მუშაობის გამოცდილების საფუძველზე. შეფასება ანონიმურია. საჯაროდ გამოცხადდება მხოლოდ წარმატებულ აპლიკანტთა შედეგები.
ნამუშევრები შეფასდება შემდეგი კრიტერიუმებით:
გამომსახველობა
კრეატიულობა
ტექნიკური შესრულება
კომპოზიცია
საავტორო უფლებები და ნებართვები (რელიზები)
ყველა წარდგენილ ფოტოზე საავტორო უფლება უნარჩუნდება ამ უფლების მფლობელს. თუმცა, სფა იტოვებს უფლებას, ნებისმიერი წარდგენილი ფოტო, ანაზღაურების გარეშე, გამოიყენოს ჩვენებისა და საჯარო მიზნებისთვის სფა-ს მიმდინარე და მომავალ დაჯილდოვებებსა და პროექტებში. ნამუშევრის წარდგენამდე სასურველია კანდიდატს ჰქონდეს კლიენტის ან საავტორო უფლების მფლობელის ნებართვა და მოდელის შესაბამისი ნებართვის ფორმა (რელიზი) საჭიროების შემთხვევაში. თუ ასეთი ნებართვა ავტორს არ გააჩნია, სფა არ გამოიყენებს წარმოდგენილ ნამუშევრებს ზემოაღნიშნული მიზნებისთვის და შემოიფარგლება მხოლოდ სერთიფიცირებისთვის საჭირო პროცედურით (ნამუშევრები წარედგინება ჟიურის თითოეულ წევრს ინდივიდუალურად).
გაითვალისწინეთ!
სფა არ გასცემს წარმოდგენილი ფოტოს განხილვის უფლებას, თუკი არ იქნება დაცული ქვემოთ ჩამოთვლილი პირობები:
* წარმოდგენილი ფოტოები არ შეესაბამება ამ წესებს;
* მონაწილეობის საფასური არაა გადახდილი;
გისურვებთ წარმატებებს!
