საქართველოს ფოტოგრაფთა ასოციაციის იმერეთის რეგიონული ფილიალი ქუთაისში, მიმდინარე წლის 7 ოქტომბერს, 17 საათზე, რეაბილიტირებულ უბანში - ”სიყვარულის ბაღში” (”დემოკრატიული ჩართულობის ცენტრი”, პუშკინის #6) პირველ მასტერკლას-ფოტოსესიას გამართავს. მასტერკლასზე განიხილება პლენერზე მოდელის გადაღების თავისებურებები კომბინირებული განათებების საშუალებით. შესრულდება პრაქტიკული გადაღებები, რომელშიც მონაწილეობის საშუალება ყველა მსურველს ექნება. მონაწილეები საჩუქრად მიიღებენ მაღალპროფესიულ დონეზე შესრულებულ ფოტოებს. მასტერკლასზე დასწრების მსურველთა რაოდენობა არ არის შეზღუდული. მოდელის რანგში მონაწილეობის მსურველებმა წინასწარ უნდა გააკეთონ განაცხადი ამავე გვერდზე ხოლო საკონტაქტო ინფორმაცია (სახელი, ტელეფონის ნომერი) გამოაგზავნონ ელფოსტაზე a.karchkhadze@gmail.com ან info@photographers.ge
გისურვებთ წარმატებებს!
