ა.წ. 11-12 ნოემბერს საქართველოს ფოტოგრაფთა ასოციაციამ  აზერბაიჯანში, ქალაქ შეკიში ფოტოტური გამართა. სფა-ს წევრებმა ქალაქი შეკი (აზერბაიჯანი) მოინახულეს და ფოტოსესიები ჩაატარეს. ქართული ჯგუფის მასპინძელი გახლდათ აზერბაიჯანის ფოტოგრაფთა გაერთიანების თავმჯდომარის მოადგილე, ცნობილი ფოტოგრაფი ბ-ნი რაუფ უმუდოვი, რომელმაც ქართველი ფოტოგრაფებისთვის ფოტოპლენერის სპეციალური პროგრამა შეადგინა.
ქართველ ფოტოგრაფთა ჯგუფი გაეცნო ქალაქის ღირსშესანიშნაობებსა და კულტურულ ძეგლებს, ჩატარდა ფოტოსესია ფაჰლავის დამამზადებელ საამაქროში, აბრეშუმის თავსაბურავების - ცნობილი შეკინური ქალაღაიას სტუდიაში-სახელოსნოში. ჯგუფს ასევე საშუალება მიეცა, გადაეღო აზერბაიჯანული ქორწილის რეპორტაჟი და ერთ-ერთი სოფლის ცხოვრება (სოფელი ქიში).
ფოტომასალა სხვა ნამუშევრებთან ერთად გამოიფინება 26 ნოემბერს ეროვნული ბიბლიოთეკის საგამოფენო დარბაზში პროექტiს "აზერნაიჯანული ფოტოგრაფიის დღეები საქართველოში" ფარგლებში.