მიმდინარე წლის 26-28 მაისს საქართველოს ფოტოგრაფთა ასოციაციისა და აზერბაიჯანის ფოტოგრაფთა გაერთიანების ერთობლივი ორგანიზებით ბაქოში გაიმართება "საქართველოს ფოტოგრაფთა ასოციაციის ფოტოდღეები აზერბაიჯანში".
ფოტოდღეები მოიცავს ფოტოგამოფენებს, მასტერკლასს და ფოტოტურს ბაქოსა და ტალახის ვულკანებზე (დეტალური პროგრამა იხ. ქვემოთ)
26 მაისი - ფოტოგამოფენების საზეიმო გახსნის ცერემონია - ხელოვნების გალერეა "ნურ არტ ჰაუზში" გაიმართება სამი ფოტოგამფოენა:
- Georgian Drag 2016 - მიეძღვნება "კარპატები-სამხრეთკავკასიის რაუნდი 2017" (აზერბაიჯანი-უკრაინა-საქართველო) საერთაშორისო ფოტოკონკურსის გახსნას, რომელიც ასევე FIAP-ის პატრონაჟით ჩატარდება;
- აზერბაიჯანი ქართველი ფოტოგრაფრების თვალით;
- საქართველოს ფოტოგრაფთა ასოციაციის წევრი ფოტოგრაფების ფოტონამუშევრები.
27 მაისი - ფოტოტური ბაქოში - დღის განმავლობაში
- კახა ფხაკაძის ორი მასტერკლასი თემაზე " სტუდიური ფოტოპორტრეტის კონსტრუქციული ასპექტები" ”არტ ფაქტორის” ფოტოსტუდიაში და არტ გალერეა ”ნურ არტ ჰაუზში”
- მასტერკლასში მონაწილე ქართველ და აზერბაიჯანელ ფოტოგრაფებს გადაეცემათ სერტიფიკატები.
28 მაისი - ფოტოტური ტალახის ვულკანებზე (ქობუსტანი).
ქართული მხარის მონაწილეობის პირობები:
ფოტოდღეებში მონაწილეობის მიღება შეუძლია საქართველოს ფოტოგრაფთა ასოციაციის მოქმედ წევრს (როგორც პროფესიონალის, ისე მოყვარულის სტატუსით). მეორე და მესამე ფოტოგამოფენაში მონაწილეობის მისაღებად ჩატარდება შიდა შესარჩევი კონკურსი. მონაწილეობის მსურველებმა ნამუშევრები უნდა გამოაგზავნონ ემაილზე ა.წ. 10 მაისამდე ფოსტაზე: Photographers.ge@gmail.com
ფოტოდღეებში მონაწილეობა შეგიძლიათ:
• მხოლოდ ფოტოგამოფენაში მონაწილეობით (თუკი ვერ ახერხებთ აზერბაიჯანში წამოსვლას, მაგრამ თქვენი ფოტო იქნება ჩართული ფოტოგამოფენაში;
• ფოტოგამოფენაში მონაწილეობა აზერბაიჯანში ღონისძიებებზე დასწრებით;
• აზერბაიჯანში ღონისძიებებზე დასწრება გამოფენაში მონაწილეობის გარეშე.
გამგზავრება თბილისიდან 25 მაისს, საღამოს აზერბაიჯანის საზღვრიდან ავტობუსით
გამომგზავრება ბაქოდან 28 მაისს, საღამოს ასევე ავტობუსით
რა არის ფასიანი და რა უფასო
უფასოა:
ფოტოტური ბაქოში, მასტერკლასზე დასწრება, ქობუსტანში გამგზავრება და საგამოფენო დარბაზი
ფასიანია:
- თქვენი საგამოფენო ფოტოების ბეჭდვა (ერთი ფოტო, ა3 ფორმატი ქაფმუყაოზე, ერთი ფოტო - 13 ლარი);
- მგზავრობის საფასური - საზღვრიდან ბაქომდე ავტობუსით (7 საათი) - ერთი გზა 10 მანათი;
- განთავსება ორი ღამე - ფასი გამომდინარეობს ბაქოში წამომსვლელთა რაოდენობაზე, ასევე, რა ტიპის სასტუმროს/ჰოსტელს შევარჩევთ. დაახლოებით 100 ლარი 2 ღამე.
- კვება - დამოკიდებულია მონაწილეთა არჩევანზე (ფასტფუდი, საზეიმო ვახშამი).
მონაწილეობის სურვილის შემთხვევაში, გთხოვთ შეავსოთ აპლიკაცია და გამოაგზავნოთ საკონკურსო ფოტოები (მაქსიმუმ 6 ფოტო, ნებისმიერი ჟანრის)
საკონკურსო/საგამოფენო ფოტონამუშევრების ტექნიკური აღწერილობა:
დიდი მხარე: მინიმუმ 3500 პიქსელი
ფერის პროფილი: sRGB
ფორმატი: jpeg 12
დამატებითი ინფორმაციისთვის დაგვიკავშირდით: photographers.ge@gmail.com
