გიწვევთ ფოტოგრაფიის ვიდეოგაკვეთილების კრებულის პრეზენტაციასა და ღია მასტერკლასზე 25 აპრილს.

კრებულში ”ფოტოგრაფის ვიდეოთეკა” გაერთიანებულია 14 ვიდეოგაკვეთილი, რომლებიც საინტერესოა როგორც დამწყები, ისე გამოცდილი ფოტოგრაფებისთვის. ფოტოგრაფიის სახელმძღვანელო ქართულ ენაზე შედგენილია აღმოსავლეთ პარტნიორობის ექსპერტი ფოტოგრაფების მიერ, თითოეული გაკვეთილი გაფორმებულია ორიგინალური ფლეშანიმაციებით, ილუსტრაციებითა და ფოტომასალით.

ვიდეოგაკვეთილების კრებული დამზადებულია თანამედროვე ტექნოლოგიებით, და დაცულია საავტორო უფლებით. თავად დისკს გააჩნია 6-დონიანი დაცვის სისტემა მეკობრეული გავრცელების თავიდან არიდების მიზნით. ვიდეოგაკვეთილების კრებულის DVD დისკის შეძენა შესაძლებელია ონლაინ სფა-ს პორტალზე (იხ.ბმული).

ვიდეოგაკვეთილების სახელმძღვანელოსთან ერთად დამსწრეთათვის გაიმართება მასტერკლასი თემაზე: ”პორტრეტი პორტატული სტუდიური განათებებით”.
პრეზენტაციაზე გამართულ გათამაშებაში გამარჯვებულს საჩუქრად გადაეცემა ფოტოგრაფიის ვიდეოგაკვეთილების კრებული.

დამსწრეებს საჩუქრად დაურიგდებათ აღმოსავლეთ პარტნიორობის საერთაშორისო ფოტოალბომი.

პრეზენტაცია გაიმართება 25 აპრილს, 17.30 საათზე ფრონტლაინ ჯორჯია კლუბის საკონფერენციო დარბაზში (თბილისი, ლადო ასათიანის ქ. 62 (სოლოლაკი)).
დასწრება თავისუფალია, წინასწარი ჩაწერით. დასწრების მსურველებმა გთხოვთ მოგვწეროთ ემაილზე: photographers.ge@gmail.com – სათაურში მიუთითეთ ”პრეზენტაციაზე დასწრება”, წერილის ტექსტში: თქვენი სახელი, გვარი, ტელეფონის ნომერი.