საქართველოს პარლამენტის ეროვნულ ბიბლიოთეკაში აღმოსავლეთ პარტნიორობის საერთაშორისო ფოტოალბომის პრეზენტაცია გაიმართა. ფოტოალბომი ევროკავშირის პროექტის ”ყურადღება, გაიღიმეთ! (SAY CHEESE!) ფარგლებში გამოიცა. პრეზენტაციას ესწრებოდნენ ევროინტეგრაციისა და კულტურის სამინისტროების, ტურიზმის ეროვნული ადმინისტრაციის, საქართველოში ევროკავშირის წარმომადგენლობის, აზერბაიჯანის საელჩოს, ეუთოს და სხვა ორგანიზაციების წარმომადგენლები, ასევე ალბომში შესული ფოტოების ავტორები, სხვა ფოტოგრაფები და სტუმრები. პრეზენტაციაზე დამსწრეთ სიტყვით მიმართეს ევროპასა და ევროატლანტიკურ სტრუქტურებში სახელმწიფო მინისტრის მოადგილემ არჩილ ყარაულაშვილმა, საქართველოში ევროკავშირის წარმომადგენლობის პროექტების მენეჯერმა ოპლივერ რაიზნერმა, საქართველოს ფოტოგრაფთა ასოციაციის თავმჯდომარემ კახა ფხაკაძემ. ფოტოალბომში შესული ფოტოების ქართველ ავტორებს ამავე შეხვედრაზე გადაეცათ ფოტოგრაფიის სფეროში აღმოსავლეთ პარტნიორობის ექსპერტისა და ფოტოგრაფის წოდების დამადასტურებელი სერტიფიკატები. პრეზენტაციაზე დამსწრე პირებს საჩუქრად გადაეცათ ფოტოალბომები.

ფოტოალბომის ელექტრონული ვერსია 

იხილე გალერეა სრულად

14 ივლისს 18 საათზე ეროვნულ ბიბლიოთეკაში აღმოსავლეთ პარტნიორობის საერთაშორისო ფოტოალბომის პრეზენტაცია გაიმართება. ალბომი დარიგდება ჩვენი ქვეყნის საჯარო სტრუქტურებსა და სახელმწიფო დაწესებულებებში, საერთაშორისო ორგანიზაციებში, ასევე გადაეცემა ეროვნულ ბიბლიოთეკას, ჩვენს ქვეყანაში აკრედიტებულ საელჩოებს, ევროკავშირის წარმომადგენლობას და სხვა ორგანიზაციებს. ალბომში წარმოდგენილია აღმოსავლეთ პარტნიორობის 6 ქვეყნის ყოფა-ცხოვრება ქართველი და უცხოელი ფოტოგრაფების თვალით. 400-გვერდიანი ალბომი 9 ათასიანი ტირაჟით ექვსი ქვეყნის მასშტაბით გამოიცა და მასში 18 ქართველი ფოტოგრაფის ნამუშევრებია შესული. ალბომი ევროკავშირის პროექტის ”ყურადღება, გაიღიმეთ!” (SAY CHEESE!) ფარგლებში გამოიცა.