მიმდინარე წლის 2 ივნისს (შაბათს) საზაფხულო მასტერკლასების სერიის ფარგლებში სფა-ს წევრი ფოტოგრაფებისთვის გაიმართება მასტერკლასი, რომელიც სასაგნე-სარეკლამო  ფოტოგრაფიის სპეციფიკას შეეხება. მასტერკლასს ჩაატარებს სფა-ს გამგეობის თავმჯდომარე კახა ფხაკაძე. განხილული იქნება ამ სახის ფოტოგრაფირებისას სარკეთა სისტემის გამოყენების პრაქტიკა და შესაძლებლობები. შესრულდება ქართული ბრენდული პროდუქტის (ჩაის) სარეკლამო ფოტოგრაფირება. მასტერკლასი დაიწყება 18 საათზე. მისამართი: თბილისი, ყაზბეგის 3ა.

მონაწილეობის მსურველებმა მიმდინარე წლის 1 ივნისის ჩათვლით განაცხადი უნდა გამოაგზავნონ ფოსტაზე: photographers.ge@gmail.com. გთხოვთ მიუთითოთ თქვენი სახელი, გვარი და მასტერკლასის დასახელება.

საქართველოს ფოტოგრაფთა ასოციაცია მადლობას უხდის შპს "გურიელს" მასტერკლასისთვის საჭირო ბრენდული საიუბილეო პროდუქციის მოწოდებისთვის.