მიმდინარე წლის 3 ივნისს, ილიუნიში ღია მასტერკლასი გაიმართა. საუბარი შეეხო პორტატული იმპულსური განათების საშუალებების მდიდარ შესაძლებლობებს. თეორის პარალელურად შესრულდა პრაქტიკული გადაღებები.
გიწვევთ ღია მასტერკლასზე ფოტოგრაფიაში. მასტერკლასის თემაა ”პორტატული იმპულსური განათების გამოყენების თავისებურებები”. განიხილება პორტატული იმპულსური განათების გამოყენების სფეროები, მათი შესაძლებლობები საპორტრეტე და სასაგნე-სარეკლამო ფოტოგრაფირებისას, შესრულდება პრაქტიკული გადაღებები და მიღებული ფოტომასალის განხილვა. ასევე პასუხი გაეცემა დამსწრეთა მიერ დასმულ კითხვებს აღნიშნული თემატიკის ირგვლივ. ამავე შეხვედრაზე გაიმართება ფოტოგრაფიის ვიდეოგაკვეთილების კრებულის პრეზენტაცია-მიმოხილვა. კრებულში ”ფოტოგრაფის ვიდეოთეკა” გაერთიანებულია 14 ვიდეოგაკვეთილი, რომლებიც საინტერესოა როგორც დამწყები, ისე გამოცდილი ფოტოგრაფებისთვის. ფოტოგრაფიის ვიდეოსახელმძღვანელოს ონლაინ შეძენა (მათ შორის, ლიბერთიბანკის უპროცენტო განვადებით) შესაძლებელია საქართველოს ფოტოგრაფთა ასოციაციის პორტალზე: www.photographers.ge მასტერკლასს გაუძღვება საქართველოს ფოტოგრაფთა ასოციაციის თავმჯდომარე კახა ფხაკაძე. შეხვედრის ორგანიზატორია ილიაუნის ფოტომოყვარულთა საზოგადოება. მასტერკლასი გაიმართება 3 ივნისს, 19 საათზე. მისამართი: თბილისი, ილია ჭავჭავაძის 32, (ვაკის "გუდვილთან"), С კორპუსი, 306 აუდიტორია, შესასვლელი ფალიაშვილის ქუჩიდან. დასწრება თავისუფალია. მასტერკლასზე დასწრების მსურველებმა გთხოვთ მოგვწეროთ ემაილზე: photographers.ge@gmail.com – სათაურში მიუთითეთ ”ილიაუნიში მასტერკლასზე დასწრება”, წერილის ტექსტში: თქვენი სახელი, გვარი, ტელეფონის ნომერი. |