გიწვევთ ფოტოკონკურსში "ქალი და ხელოვნება". კონკურსის მიზანია, წარმოაჩინოს ხელოვანი ქალის როლი საზოგადოებაში. დასაშვებია კონკურსის თემის ინდივიდუალური ინტერპრეტაცია, მაგრამ საკონკურსო ნამუშევრები უნდა ასახავდეს კონკურსის თემას (ქალის დამოკიდებულებას ხელოვნებასთან).

კონკურსი ტარდება თბილისის პირველი საერთაშორისო კონფერენციის "ხელოვან ქალთა როლი ეკონომიკის განვითარებაში" ფარგლებში. 

კონკურსის ორგანიზატორები არიან: ქალთა ხელოვნების საერთაშორისო ასოციაცია და საქართველოს ფოტოგრაფთა ასოციაცია

მონაწილეობის პირობები
1. კონკურსში მონაწილეობა შეუძლიათ საქართველოს მოქალაქე მოყვარულ და პროფესიონალ ფოტოგრაფებს (როგორ ქალებს, ისე მამაკაცებს).
2. 16 წლამდე ასაკის მონაწილეების შემთხვევაში საჭიროა მშობლების/მეურვის თანხმობა;
3. კონკურსში მონაწილეობით აპლიკანტები ეთანხმებიან კონკურსის პირობებს. კონკურსის ორგანიზატორები უფლებამოსილნი არიან, წესების დარღვევის შემთხვევაში, კონკურსანტი მოხსნან კონკურსიდან ნებისმიერ ეტაპზე.

საკონკურსო ფოტოების წარდგენის პროცედურა
1. კონკურსანტმა საკონკურსო ფოტონამუშევრები უნდა გამოაგზავნოს ემაილზე apggeorgia@gmail.com. ემაილის სათაურში მიუთითოს: "ქალი და ხელოვნება". ემაილი უნდა შეიცავდეს შემდეგ ინფორმაციას: კონკურსანტის სახელი, გვარი, ტელეფონის ნომერი. შესაძლებელია ფოტოების გამოგზავნა გაზიარების პროგრამული საშუალებებითაც (wetransfer). დაუშვებელია ფოტოზე ავტორის ვინაობის/ფსევდონიმის/ლოგოტიპის მითითება ან ჩარჩოთი გაფორმება. ამგვარი ფოტოები უპირობოდ მოიხსნება კონკურსიდან.
2. საკონკურსო ნამუშევრების მიღების ბოლო ვადა ფოტომოყვარულების თხოვნით  გაგრძელებულია ა.წ. 30 აპრილის ჩათვლით. ვადის გასვლის შემდეგ ნამუშევრები აღარ განიხილება.
3. კონკურსში მონაწილეობა უფასოა.
4. კონკურსანტს შეუძლია გამოგზავნოს ერთიდან ხუთ ფოტომდე. არათემატური ფოტოები მოიხსნება კონკურსიდან. 
5. კონკურსანტი ვალდებულია იყოს ნამუშევრის ავტორი და გააჩნდეს ამ ფოტოს ორიგინალი.
6. კონკურსანტი ვალდებულია, ორგანიზატორების მოთხოვნის შემთხვევაში დაუყოვნებლივ წარმოადგინოს ფოტოს დედანი ფაილი.
7. დამუშავება ციფრული რედაქტორების საშუალებით შესაძლებელია, მაგრამ აკრძალულია ფოტომონტაჟი.
8. წარმოდგენილი ფოტოს დიდი მხარე უნდა იყოს არანაკლებ 3500 პიქსელი, JPG ფორმატი, sRGB ფერის პროფილი.
9. ფოტოები არ უნდა შეიცავდეს სარეკლამო, ტექსტურ წარწერებს ან გრაფიკულ ელემენტებს, რაც არ წარმოადგენს კომპოზიციის ორიგინალურ ნაწილს. ტექსტის შემცველი ფოტოები მომენტალურად დისკვალიფიცირდება.
10. თუკი გამარჯვებული კონკურსანტი არ დაუკავშირდება ორგანიზატორებს ან რაიმე მიზეზით უარს იტყვის პრიზის მიღებაზე, ორგანიზატორები უფლებამოსილნი არიან, პრიზი გადასცენ შედეგებით მომდევნო საუკეთესო მონაწილეს.

საავტორო ნებართვები და უფლებები
1. მონაწილეობის მსურველი კონკურსანტი ვალდებულია, წარმოადგინოს საკუთარი ორიგინალური ნამუშევარი და არ უნდა არღვევდეს სხვა პირის უფლებებს. ფლობდეს საკუთარ ნამუშევრებთან დაკავშირებულ საავტორო უფლებებს; ან საავტორო უფლების მფლობელისგან უნდა ჰქონდეს უფლება, ჩართოს თავისი ფოტოები კონკურსში;
2. კონკურსანტს უნდა გააჩნდეს მოდელის წერილობითი ნებართვა და ფოტოსთან დაკავშირებული ყველა საჭირო ნებართვა. 16 წლამდე პირის ფოტოზე გამოსახვის შემთხვევაში - მშობლის ნებართვა.
3. კონკურსში მონაწილეობაზე თანხმობით კონკურსანტები ორგანიზატორებს  აძლევენ უფლებას, დაბეჭდონ და გამოფინონ მათი ნამუშევრები ორგანიზატორთა ვებგვერდებზე, კონკურსანტები, რომელთა ფოტოები არის გამარჯვებულთა შორის, ან არიან ფინალისტები, ორგანიზატორებს აძლევენ უფლებას, დაბეჭდონ და გამოფინოს მათი ფოტოები როგორც ბეჭდურ საშუალებებში, ასევე შესაბამის ვებგვერდებზე და სხვა მედიასაშუალებებში არაკომერციული მიზნით, ყოველგვარი ანაზღაურების გარეშე. მონაწილეები, რომელთა ფოტოებიც არის ფინალისტებს შორის, ასევე თანახმანი არიან, მათი ფოტოები ჩართულ იქნას კონკურსის შემდგომ პუბლიკაციებში.

პრიზები
გამარჯვებულებს გადაეცემათ შემდეგი სახის პრიზები:
პირველი ადგილი -   500 ლარი
მეორე და მესამე ადგილები - ფასიანი პრიზები და საჩუქრები
35 საუკეთესო ფოტონამუშევარი გამოიფინება ა.წ. 21 მაისს საერთაშორისო კონფერენციის ”ხელოვან ქალთა როლი ეკონომიკის განვითარებაში” ფარგლებში, ასევე საპრიზო ადგილებზე გასული ფოტოები დაიბეჭდება სპეციალურ ბროშურაში.
35 საუკეთესო ნამუშევრის ავტორებს გადაეცემათ სერტიფიკატები.

შეფასების პროცესი:
1. ფოტონამუშევრები შეფასდება ჟიურის მიერ. ჟიური, რომელიც დაკომპლექტებულია ორგანიზატორთა წარმომადგენლებით, შეარჩევს 35 საუკეთესო ნამუშევარს გამოფენისთვის და დაასახელებს საპრიზო ადგილებზე გასულ ფოტოებს.  გამარჯვებულთა ვინაობა ცნობილი გახდება საერთაშორისო კონფერენციის ფარგლებში ფოტოგამოფენის გახსნის ცერემონიაზე, რომელიც გაიმართება ა.წ. 21 მაისს სასტუმრო ”რუმსში”.
2. ჟიური ნამუშევრებს განიხილავს სხვადასხვა ფაქტორების გათვალისწინებით, კერძოდ, კონკურსის თემა, ტექნიკური შესრულება, კომპოზიცია და ორიგინალურობა.
3. ორგანიზატორები უფლებამოსილნი არიან, გააუქმონ კონკურსი ან ჩაანაცვლონ წესები ნებისმიერ ეტაპზე მათი შეხედულებით აუცილებლობის შემთხვევაში და აგრეთვე მათი კონტროლიდან გასული გარემოებების გამო.
4. ტექნიკური პრობლემებისა და რაიმე სახის უთანხმოების შემთხვევაში ორგანიზატორები და ჟიურის წევრები მიიღებენ საბოლოო გადაწყვეტილებას. ჟიურის გადაწყვეტილება საბოლოოა და არ ექვემდებარება შეცვლას, თუკი ამას არ მოითხოვს აუცილებლობა.