მსოფლიოს ყველაზე ძვირადღირებული ავსტრალიელი ფოტოგრაფის პეტერ ლიკის ფოტოწიგნის საჯარო ჩვენება მიმდინარე წლის 20 დეკემბერს 19 საათზე სასტუმრო „კრონპალას თბილისში“ გაიმართება. წიგნში, რომელიც უპრეცენდენტო ზომისაა და 50 კგ-მდე იწონის, ფოტოგრაფის 30 წლის განმავლობაში გადაღებული პეიზაჟებია შესული. პეტერ ლიკის ერთ-ერთი ფოტო „აჩრდილი“ სოტბის აუქციონზე 6,5 მილიონ დოლარად გაიყიდა.

ფოტოწიგნი ავტორმა საქართველოს ფოტოგრაფთა ასოციაციას საჩუქრად გამოუგზავნა ა.წ. ნოემბერში, როცა მონაწილეობა მიიღო თბილისში ევროპის ფოტოგრაფთა ფედერაციის საკვალიფიკაციო კონკურსში. პეტერ ლიკს 20 უმშვენიერესი პეიზაჟისთვის უმაღლესი საერთაშორისო კვალიფიკაცია  MQEP (Master Qualified European Photographer) მიენიჭა.

ფიტოწიგნის საჯარო დათვალიერების ღონისძიებაზე დასწრება უფასოა ნებისმიერი მსურველისთვის